新歡吸塵機 - Bissell 3 in 1

我家雖不算大，但加加埋埋已有三部吸塵機，最近因為 Walmart blowout sale 而招納了四奶，呢部係 Bissell 限量版粉紅色輕型3合1吸塵機，只係 $19加幣！用著部 sharp 醒吸塵機，人都開心D！

其實點解要買多部呢？輕型吸塵機我已經有一部 Swiffer，呢部比 Swiffer 多一個好處係可以拆出黎當手提吸塵機，吸樓梯位和窿窿嚹嚹一流，而且可以比 Swiffer 吸重少少既野，但緊記這是輕型吸塵機，絕不能和正常吸塵機比較。

雖然我每日都要返工，但吸塵我絕不偷懶，每日隨手吸一吸塵可以減輕很多週末清潔的工作量，所以隨手拿起就吸塵對我來說很重要，現在 Swiffer 放係樓上，專吸洗手間頭髮微塵，呢部 Bissell 放係樓下吸廚房客飯廳，走完一圈也不需要10分鐘，仲有時間吸樓梯，實在得心應手。

大吸塵機我依然會用，週末洗地前走一圈，由於有了每日吸塵「打底」，用大吸塵機也是隨意走一圈已經無塵了。